வடமதுரை சவுந்தரராஜ பெருமாள் கோவில்

திருவோண நட்சத்திரத்தன்று வழிபட்டால் திருமண பாக்கியம் அருளும் பெருமாள்

திண்டுக்கல்லில் இருந்து 20 கி.மீ. தொலைவில் உள்ள வடமதுரையில் அமைந்துள்ளது சவுந்தரராஜ பெருமாள் கோவில். தாயார் திருநாமம் சவுந்தரவல்லி. 15 அடி உயரத்தில், பழங்கால சுற்றுச்சுவர்கள் கொண்ட, சுமார் ஒரு ஏக்கர் நிலப்பரப்பில் அமைந்துள்ள மிகப் பெரிய கோவில் இதுவாகும்.

ஒவ்வொரு மாதமும் திருவோண நட்சத்திரத்தன்று பெருமாளுக்கு, பால் அபிஷேகம் செய்து, பொங்கல் வைத்து வழிபட்டால் கடன் நிவர்த்தி மற்றும் குழந்தை பாக்கியம் கிடைக்கும் என்பது ஐதீகம். துளசி மாலை அணிவித்து வேண்டினால் திருமண பாக்கியம் கிடைக்கும் என்பது குறிப்பிடத்தக்கது. திருமணம் கை கூடிய பக்தர்கள், தம்பதியர்களாக வந்து வழிபாடு செய்கிறார்கள்.