இரு அம்பிகை சன்னதிகள் உள்ள தேவார தலம்

அம்பிகைகளின் பிரசாதமாக குங்குமமும், திருநீறும் தரப்படும் சிறப்பு

கடலூர் மாவட்டம் சிதம்பரத்திலிருந்து 20 கி.மீ. தொல்லையில் உள்ள தேவார தலம் திருக்கூடலையாற்றூர் நர்த்தனவல்லபேஸ்வரர் கோவில். மணிமுத்தாறு, வெள்ளாறு நதிகள் இங்கு கூடுவதால் இத்தலத்திற்கு திருக்கூடலையாற்றூர் என்று பெயர். பிரம்மாவும், சரஸ்வதியும் தவம் செய்து சிவபெருமானின் நடனகாட்சியை இத்தலத்தில் கண்டனர். ஆகையால், இத்தல இறைவன் நர்த்தனவல்லபேஸ்வரர் என்று அழைக்கபடுகிறார்.

பொதுவாக சிவாலயங்களில் ஒரு அம்பிகை தான் எழுந்தருளி இருப்பார். ஆனால், இந்தக் கோவிலில் ஞானசக்தி அம்மன், பராசக்தி அம்மன் என்ற இரண்டு அம்பிகைகள் உள்ளனர். ஞானசக்தி அம்மன் சன்னதியில் குங்குமமும், பராசக்தி அம்மன் சன்னதியில் சிறுநீரும் பிரசாதமாக தருகிறார்கள். இந்த இரு அம்மன்களில், ஞானசக்தி அம்மன் சன்னதி கோவிலின் முதல் சுற்றிலும், பராசக்தி அம்மன் கருவறையிலும் எழுந்தருளி இருக்கிறார்கள். மனிதன் வாழ்க்கையில் முதலில் பெற வேண்டியது ஞானம். அதனால் ஞான சக்தி முதல் சுற்றில் உள்ளார். நாம் ஞானம் பெற்று பின் இறுதியில் இறைநிலை அடைய வேண்டும் என்பதனால் உள்ளே கருவறையில் பராசக்தி உள்ளார். அதனால் தான் ஞானசக்தி அம்மன் சன்னதியில் குங்குமமும், பராசக்தி சன்னதியில் திருநீறும் தருகின்றனர்.

பிரம்மாவும் சரஸ்வதியும் தவம் செய்ததால் இங்கு குழந்தைகள் வழிபட்டால், மறதி நீங்கி நல்ல படியாக படிக்கலாம்.